വിവരാവകാശം ഭയക്കുന്ന ഇന്ത്യൻ രാഷ്ട്രീയം

ഒരു ഇന്ത്യൻ പൗരന് എ4 വലിപ്പത്തിലുള്ള രണ്ട്  രൂപ വില വരുന്ന വെള്ളക്കടലാസിൽ പത്ത് രൂപ കോർട്ട് ഫീ സ്റ്റാമ്പ് ഒട്ടിച്ച് മറ്റു ചെലവുകളുംകൂട്ടി പൊതു വിവരങ്ങൾ അറിയേണ്ടത് എന്താണോ അത് എഴുതി ബന്ധപ്പെട്ട പബ്ലിക് ഇൻഫർമേഷൻ ആഫീസർക്ക് (പി ഐ ഒ)ക്ക് കൊടുത്താൽ വിവരങ്ങൾ നൽകുന്നതിൽനിന്നും ഒഴിവാക്കപ്പെട്ടവയല്ലാത്ത വിവരങ്ങൾ കാലതാമസമില്ലാതെ കിട്ടുന്നതിനുള്ള പൗരാവകാശമാണ് വിവരാവകാശ നയമം 25 A , 271 A,B,C.വകുപ്പുകൾ.വിവരങ്ങൾ നൽകാൻ  വൈകുകയോ നൽകാതിരിക്കുകയോ ചെയ്താൽ ബന്ധപ്പെട്ട  ഉദ്യോഗസ്ഥന് പിഴകൊടുക്കേണ്ടി വരികയും അപേക്ഷകന് സൗജ്യന്യമായി വിവരങ്ങൾ നൽകാൻ ബാധ്യസ്ഥനാക്കുകയും ചെയ്യും.

രാഷ്ട്രീയ പാർട്ടികളെ ഈ ഒരു നിയമത്തിൽ നിന്നുമാണ് ഒഴിവാക്കിയിരിക്കുന്നത്, ആഗസ്റ്റ് ഒന്നിന് രാഷ്ട്രീയ പാർട്ടികളെ വിവരാവകാശ നിയമത്തിൽ നിന്നൊഴിവാക്കികൊണ്ടുള്ള ഉത്തരവ് കേന്ദ്രമന്ത്രിസഭ പുറപ്പെടുവിച്ചു, അടുത്ത് തന്നെ പാർലമെന്റിൽ ഇത് അവതിരിപ്പിക്കും ഉറപ്പായും അത് പാസാക്കുകയും ചെയ്യും,കാരണം പാർലമെന്റിലുള്ള എല്ലാവർക്കും ഇത് തന്നെയാണ് വേണ്ടത്,
ഇത്തരം നടപടികൾ ഒരിക്കലും അംഗീകരിക്കാൻ കഴിയില്ല,കാരണം പൗരന്റെ അവകാശത്തിനുമേൽ തങ്ങളുടെ ഇച്ഛാനുസരണം രഷ്ട്രീയ പാർട്ടികൾ നടത്തുന്ന ഗൂഢാലോചനയായിട്ടേ ഇതിനെ കണക്കാക്കുവാൻ കഴിയൂ,

ഒരു ജനാധിപത്യ സംവിധാനത്തിലെ സുതാര്യതയെ വ്യക്തമാക്കുന്ന പ്രധാനപ്പെട്ട ഒരു നിയമമാണ് വിവരാവകാശനിയമം, അതിനെ മാറ്റിമറിക്കുന്ന പുതിയ ചിന്താശക്തികളെ  ഇല്ലാതാക്കേണ്ടത് കോടതിയും നിയമ പാലകരുമാണ്, ഇന്ന് തട്ടിപ്പിന്റെ പ്രധാന ഇടം രാഷ്ട്രീയപ്പാർട്ടികൾ ആണെന്ന് ദിനം പ്രതി തെളിഞ്ഞുകൊണ്ടിരിക്കുന്ന സാഹചര്യത്തിൽ, ഈ നിയമത്തിൽ നിന്നും പാർട്ടികളെ ഒഴിവാക്കുകയെന്നത് കള്ളന്ന് കഞ്ഞിവെക്കുന്ന പ്രവണതയായേ കാണാവൂ, ഇവർ ആരെ രക്ഷിക്കാനാണ് ഈ കാട്ടിക്കൂട്ടുന്നതെന്ന് മനസ്സിലാവുന്നേ ഇല്ല,

രാഷ്ട്രീയം എന്ന് പറഞ്ഞ് ഇന്ന് ഇന്ത്യയിൽ നൂറുകണക്കിന് പാർട്ടികളും അവയുടെ മറവിൽ വളരുന്ന മറ്റു ഘടക സംഘടനകളും രാജ്യത്ത് കാണിച്ച് കൂട്ടുന്ന ആരാഷ്ട്രീയ പ്രക്രിയകൾ ചോദ്യം ചെയ്യാൻ പറ്റില്ലാ എന്ന് പറായാതെ പറയുകയാണ് ഈ ഒരു ഭേദഗതി ശുപാർശ,ക്രിമിനലുകളും മറ്റി ഉപദ്രവകാരികളും അടക്കി വാഴുന്ന ഇന്ത്യൻ രാഷ്ട്രീയ രംഗത്ത് ഇന്ന് ഉണ്ടയിക്കൊണ്ടിരിക്കുന്ന കുറ്റക്യത്യങ്ങൾ സാധാരണ ജന്നങ്ങൾക്കിടയിൽ ഉള്ളതിനെക്കാൾ ഇരട്ടിയാണ്,
ഇന്ന് നടക്കുന്ന പല കൊലപാതകങ്ങളുടേയും പങ്ക് അന്വേഷിക്കുമ്പോൾ ഏതെങ്കിലും ഒരു രാഷ്ട്രീയ കക്ഷിയുടെ സാന്നിധ്യം അതിനു പിന്നിൽ ഉണ്ട് എന്നു മനസിലാവും,

ജനാതിപത്യത്തിൽ രാഷ്ട്രീയ പാർട്ടികളുളെ പങ്ക് വളരെ വലുതാണ്,ഭരണം നടത്തേണ്ട നേത്താക്കന്മാരുടെ പ്രവർത്തനങ്ങൾ ചോദ്യം ചെയ്യേണ്ടത് ജനങ്ങളുടെ കടമയും, അത്തരം ചോദ്യം ചെയ്യലുകളെ അടിച്ചമർത്താൻ ഇത്തരം നിയമങ്ങൾക്ക് കഴിയും, വിവരാവകാശത്തിന് ഒരു പരിധിയും നൽകാൻ കഴിയാത്ത വിഭാഗമായി കണക്കാക്കേണ്ടതാണ് രാഷ്ട്രീയ പാർട്ടികളെ, ഒരു രാജ്യത്തെ ഇല്ലായ്മ ചെയ്യാനും ജനങ്ങളുടെ അവകാശങ്ങൾ ഒന്നൊന്നായി  ഇല്ലാതാക്കാനും ഇവർക്ക് സാധ്യമാകും, അത്തരം പ്രവണതകളെ മാറ്റിമറിക്കാനാണ് ഇത്തരം  നീക്കങ്ങൾ നടത്തുന്നത്, ഇങ്ങനെ നിയമങ്ങൾ ഭരിക്കുന്നവർക്ക് വേണ്ടി മാറ്റി മറിക്കുമ്പോൾ ഒന്നോർക്കണം, ഇത് രാജഭരണത്തിന്റെ തന്ത്രങ്ങളാണ്,

കഴിഞ്ഞ ജൂണിലാണ് രാഷ്ട്രീയ പാർട്ടികളുടെ വരവ് ചിലവ് കണക്കുകളും മറ്റും പൊതുജനത്തിന് അറിയാനുള്ള അവകാശമുണ്ട് എന്ന് പറഞ്ഞ് അഭിഭാഷകരായ പ്രശാന്ത് ഭൂഷൺ,അഗർവാൾ എന്നിവർ ഹൈകോടതിയെ സമീപിച്ചത്, എന്നാൽ സി പി എം അടക്കമുള്ള രാഷ്ട്രീ പാർട്ടികൾ അതിനെതിരെ തിരിയുകയും കോടതിയെ സമീപിക്കുകയുമായിരുന്നു, വിവരാവകാശ നിയമത്തിൽ നിന്ന് പാർട്ടികളെ മാറ്റിനിർത്തണമെന്ന് ശുപാർശ ചെയ്യുകയും ചെയ്തു, ഇതിന്റെ വെളിച്ചത്തിലാണ് ഇന്ന് എല്ലാ പാർട്ടികളും ഒത്ത് പിടച്ച് പാർട്ടികളെ രക്ഷിക്കാൻ ഇറങ്ങിയിരിക്കുന്നത്, ഇതിനെതിരെ പ്രതികരിക്കാൻ വളരെ കുറച്ച് ആളുകൾ മാത്രമേ മുന്നോട്ട് വന്നിട്ടുള്ളൂ, പരോക്ഷമായി ഇതിനെ അംഗീകരിക്കുന്നവരാണ് മിക്ക സംഘടനാ നേതാക്കളും, പ്രതികരിക്കേണ്ട സമയം അതിക്രമിച്ചിരിക്കുന്നു എന്നാണ് പുതിയ വാർത്തകളിൽനിന്നും നമുക്ക് മനസ്സിലക്കാൻ കഴിയുന്നത്.