ഫെയ്സ്ബുക്കിൽ നട്ട മരങ്ങൾ,

ഷാജു അത്താണിക്കൽ,
-------------------
നെറ്റ്-വർക് സിഗ്നലിൽ
തുളുമ്പുന്ന
എഫ് ബി വാളിൽ
മൗസ് കൊണ്ട് അയാൾ
ആഞ്ഞ് കൊത്തി,
ഒരു ചെറിയ കുഴിയെടുത്തു,
വൈഫൈ പച്ച
വെളിച്ചം കൊണ്ടൊന്ന് നനച്ചു,

കീബോടിലെ കടുപ്പമേറിയ
അക്ഷരങ്ങൾ അയാൾ
നനവുള്ള വാളിലേക്ക്
വാരി വിതറി,

അപ്രതീക്ഷിതമായ പോസ്റ്റിൽ
മണ്ണിരകൾ
തലപൊക്കി,,

അധികം താമസിക്കാതെ
ലൈക്കും കമന്റുകളുമായി
ആ തൈ മുളച്ചു പൊങ്ങി,

ഇടക്ക്, ചില
വെട്ട് കിളി കമന്റുകൾ
മുള നുള്ളാൻ
ശ്രമിക്കുന്നുണ്ടായിരുന്നു,

മുള്ള് വേലി
മറുപടികൾകൊണ്ട്
അതിനൊരു
കവച്ചം തീർത്തു,

മരം എഫ്ബി വാളിൽ ഒരു
വരമയി മാറട്ടെയെന്ന് പ്രാർത്ഥിച്ചു,
കഴിഞ്ഞ വർഷം നട്ട മരത്തിന്ന്
രണ്ടായിരം ലൈക്ക്
ലഭിച്ചിരുന്നല്ലൊ എന്നോർത്ത അയാൾ
കമ്പ്യൂട്ടറും ഏസിയും
ഓഫ് ചെയ്ത പുറത്തിറങ്ങി.
ഷാജു അത്താണിക്കൽ