തത്സമയം

                            ഒരു 'വ്യദ്ധന്‍' നിന്ന് കൂവുന്നു
                            പടു വ്യദ്ധര്‍ പേടിച്ചോടുന്നു;

                            നിര നിരയായ് ജാഥ പോകുന്നു
                            നിലവിളികള്‍ ലാത്തിയിലാടുന്നു;                

                            അഴിമതിയാണിന്ന് ആധാരം
                           'അഴി'മതിയെന്നും വാചാലം;

                            പഴഞ്ചര്‍ ചിലര്‍ പാടുന്നു
                            പഴുതില്‍ ചിലര്‍ ചാടുന്നു;

                            ഇരുട്ട് നിഴലായ്, ചിലര്‍ ഭരിക്കുന്നു
                            ഉരുണ്ടുരുണ്ട് ചിലര്‍ നടക്കുന്നു;

                            ഭീകരവാദികള്‍ പെരുകുന്നു
                            ഭീകരര്‍ 'വാദി'കളായി ജീവിക്കുന്നു;

                            സ്വതന്ത്രരായെന്ന് ചില ചരിത്രികര്‍
                            സ്വ-തന്ത്രികള്‍ ചിലര്‍ ചിരിക്കുന്നു;

                            വെടിക്കോപ്പുകള്‍ പുക ചീറ്റുന്നു
                            പുക മറവില്‍ ചിലര്‍ ഉറങ്ങുന്നു;..