മറന്നു നാം ഇന്നലെയുടെ നിലവിളികള്‍

ഇരു തല വണ്ടിക്ക്-
ഒരു തല വലിക്കും
കരി മൂന്തി
പുക തുപ്പി വലിച്ചോടും,
 
മറു തല താളംകൊട്ടി
തെറിച്ചു പായുന്നതില്‍,
ഒരു കയ്യില്‍ കാമവും
മറുകയ്യില്‍ വികലമാം
വികട പാത്രവുമേന്തി

നാളയുടെ വധുവാം
'സൗമ്യ'യുമായി
വനമധ്യേ പായുന്ന
കരി വണ്ടിയില്‍

ഒരു നിമിഷത്തിലാ
വികടന്‍റെ മനസ്സിലെ
കാമ വൈകൃതത്തിനു
വേണ്ടി, പകരം
ജീവന്‍ കൊടുത്തവള്‍

ഇതിലെന്തു നിറം
കൊടികള്‍ക്ക്
നിറം കൊടുത്ത
സമരത്തിന്‍ മുറവിളികളെവിടെ
ഇവിടെ,
വെറും നിലവിളികള്‍ മാത്രം

നാളെയുടെ സൗമ്യക്ക് വേണ്ടി
മറക്കാം.....
ഇന്നലെയുടെ നിലവിളികള്‍
വിളിക്കാം...
ഇങ്ക്വുലാബിന്‍റെ മറുവിളികള്‍
കേള്‍ക്കാം...
ഉച്ചഭാഷിണിയുടെ കൊലവിളികളും...