കാത്തിരിപ്പ്,

കാത്തു ഞാനിരിക്കുന്നു ഈ മണ്‍തിട്ടയില്‍,  
നിന്റെ ഒരു ചെറു മന്ദഹാസത്തിനായ് 
 പ്രതീക്ഷയോടെ നിന്റെ വരവും കാത്ത് 
 നിശബ്ദതയിലെ എന്റെ ഈ നീണ്ട കാത്തിരിപ്പ്,            

അനന്തമായ ഈ നിശ്ചലതയെ     
മുറിക്കുക നീ വരും വര്‍ഷത്തിലെങ്കിലും 
ഞാന്‍ വീണ്ടും വെറൂതെ മോഹിക്കുന്നു  
 ചിറകു കരിഞ്ഞ മോഹങ്ങള്‍ ബാക്കി വെച്ചു പിന്നെയും നീ .            


നിന്റെ കൂടെ നടന്ന പാതകളിലെല്ലാം
കൊഴിഞ്ഞു വീണ വര്‍ണ ദളങ്ങള്‍ ,    
കരിയിലക്കാറ്റിനുമറിയം   
ഇന്നവയെല്ലാം വെറും ചവറുകള്‍ മാത്രമെന്ന് 
 
എല്ലാം ഞാന്‍ വാരി നിറച്ചു മാറാപ്പില്‍
ഇന്ന് അതെല്ലാം വെറും പഴകിയ ചവറുകള്‍ മാത്രം
 ചിലതൊക്കെ ചീഞ്ഞു നാറിതുടങ്ങി,
അതില്‍ ദ്രവിക്കാതെ ഒരു മൂലയില്‍ നീ എന്ന മന്ത്രം ബാക്കി ,   

വീണ്ടും മഞ്ഞു കണങ്ങളുടെ പാലായനം തുടങ്ങി
മണ്തിട്ട മെല്ലെ അലിഞ്ഞു പോയ്,
 എങ്ങോട്ടെന്നില്ലാതെ ഈ അനന്തയില്‍
 നന്നഞ്ഞു തണുത്ത് മരവിച്ചു ഞാന്‍ .........