അതിരുകൾ ഉറങ്ങാറില്ല;

അതിരുകൾ ഉറങ്ങാറില്ല;
ഓടിയടുക്കുന്ന തീഗോളങ്ങൾക്കും
ഘോര ശംബ്ദങ്ങൾക്കും കൂട്ടിന്
നിങ്ങൾ സത്യത്തിനായി
ഉണർന്നിരിക്കുന്നവർ,

മേജർ ഫത്തേ സിങ്ങും
കേണൽ നിരഞ്ജനും
മേജർ ഉണ്ണികൃഷണനും
ഓരോ ഇന്ത്യക്കാരന്റേയും
പ്രതിരൂപങ്ങളാണ്,
അവർ മരിച്ചവരല്ല,
ജീവിക്കുന്ന ഭാരതത്തിന്റെ
ശ്വാസോച്ഛ്വാസത്തിനായി
സ്വയം പറന്ന്, പറന്നുയർന്നവർ,
ഈ കാറ്റ് നിങ്ങളാണ്,
അത് ഈ മണ്ണിനായും,

ജയ്ഹിന്ദ് ജയ്ഹിന്ദ്
എന്നുറക്കെ പറയുന്നതും
നെഞ്ചോട് ചേർക്കുന്നതും
നിങ്ങൾ മാത്രമാണ്,

വീണുകിടക്കുന്ന നിങ്ങളൂടെ ശരീരങ്ങൾകാണുമ്പോൾ
കണ്ണിൽനിന്നും കണ്ണീരൊഴുകുന്നുണ്ടെങ്കിലും
ഇന്ത്യയെന്ന ഒറ്റ മതത്തിലെ
സ്വർഗ്ഗാവകാശികളെന്നോർക്കുമ്പോൾ
ഏതോ ഒരുകാറ്റ് ആ നനവിനെ ഉണക്കുന്നുണ്ട്,

ജയ്ഹിന്ദ് ജയ്ഹിന്ദ്
എന്നുറക്കെ പറയുന്നതും
നെഞ്ചോട് ചേർക്കുന്നതും
നിങ്ങൾ മാത്രമാണ്,
പലപ്പോഴും ഞങ്ങൾ ഈ സുഖങ്ങളിൽ
നിങ്ങളെ മറക്കുന്നുണ്ട് പ്രിയരേ,
നിങ്ങൾ കണ്ണീരിനാൽ അതറിയിക്കുമ്പോൾ
സ്വയം ലജ്ജിച്ച് നിങ്ങൾക്കുമുമ്പിൽ തല താഴ്ത്താറുമുണ്ട്,

നിങ്ങളാണ് ഈ രാജ്യത്തിലെ
ഏറ്റവും വലിയ സെലിബ്രേറ്റികൾ ,
നിങ്ങൾക്കു മാത്രമാണ് ഇന്ത്യയെന്ന് ഉറക്കെപ്പറയാൻ യോഗ്യത,
പക്ഷെ നിങ്ങൾ വീണു പിടയുമ്പോൾ മാത്രം
നിങ്ങളെ തിരിച്ചറിയുന്നൊള്ളൂയെന്നൊരു ദുഖമുണ്ട്
എങ്കിലും നിങ്ങൾ സത്യം പുലർത്തുന്നവരാണ്
ഇരുണ്ട നിഗൂഢതകൾക്കുനേരെ നേരിന്റ് തീയുണ്ട പായിക്കുന്നവർ,

ജയ്ഹിന്ദ് ജയ്ഹിന്ദ്
എന്നുറക്കെ പറയുന്നതും
നെഞ്ചോട് ചേർക്കുന്നതും
നിങ്ങൾ മാത്രമാണ്.