പെശക് ബുക്ക് അഥവ ഫേസ്ബുക്ക്

മാ ർക്ക് സുക്കർബർഗിനു  വണക്കം, ഇന്ന് മലയാളിക്ക് കഞ്ഞിയും പയറിനെക്കാളും വിലയുള്ള ഫേസ്ബുക്ക് സമ്മാനിച്ച ഈ പഹയന്ന് നന്ദിയല്ലാതെ എന്താണ് നൽകുക,കാലം മാറുന്നതിനനുസരിച്ച് കോലം മാറാൻ വേണ്ടി മലായാളിയും കിണഞ്ഞു ശ്രമിച്ചുകൊണ്ടിരിക്കുമ്പോഴാണ് ഫേസ്ബുക്കെന്ന അമിട്ട് പൊട്ടിയത് ,തന്റെ എല്ലാ ചിന്തകളും തുറന്ന് പറയാനുള്ള അവസരം കിട്ടിയപ്പോൾ മറ്റെല്ലാവരേയും പോലെ നമ്മളും ഇന്റെനെന്റിലെ ഏറ്റവും വലിയ ചൂണ്ടയായ ഫേസ്ബുക്കിൽ അഭയം പ്രാപിച്ചു, ഓർക്കൂട്ടിൽ കുടിങ്ങിയിരുന്ന നെറ്റ് ബുജികളെല്ലാം അതിനെ തട്ടിമാറ്റി വേഗം ഫേസ്ബുക്കിലേക് ചേക്കേറി, അതോടെ മീൻ വിൽക്കുന്ന ആന്ത്രുവും ബാർബർ ഷോപ്പിലെ എഴാം ക്ലാസ്കാരൻ നിസാറുമെല്ലാം how are you buddy എന്ന് ചോദിക്കൽ തുടങ്ങി. അപ്ഡേറ്റുകളിൽ ലൈക്കിനും ഷെയറിനും വേണ്ടി മറ്റുള്ളവന്റെ കമന്റ് ബോക്സിൽ അക്ഷരപെരുമഴ പെയ്യിച്ചു.

ഇന്ന് സമൂഹിക രംഗത്ത് ഫേസ്ബുക്കിന്റെ പിന്നണി പ്രവർത്തനം പ്രശംസനീയംതന്നെ, ഇന്റർനെറ്റിനേയും സോഷ്യൽ മീഡിയകളേയും ഒഴിവാക്കാൻ ഇനിയുള്ളകാലം നമുക്ക് കഴിയില്ല എന്ന് വീണ്ടും വീണ്ടും ഈ ഇന്റെർനെറ്റ് കൂട്ടായ്മകൾ തെളിയിച്ചുകൊണ്ടേയിരിക്കുന്നു, 
കേരളത്തിൽ ജീവകാരുണ്യ പ്രവർത്തന്നങ്ങൾ ഇപ്പോൾ വളരെ സജീവമായി ഫേസ്ബുക് ഗ്രൂപ്പുകൾ ചെയ്യുന്നുണ്ട് എന്ന് അറിയാൻ കഴിയുമ്പോൽ ഞാൻ അടക്കമുള്ള ഫേസ്ബുക്ക് അഗങ്ങൾക്ക് അഭിമാനിക്കാം,അതുപോലെ പല നല്ല കാര്യങ്ങളും ഫേസ്ബുക്കെന്ന ഈ വലിയ ലോകം നമുക്ക് നൽക്കുന്നുണ്ട്, മുല്ലപ്പൂ വിപ്ലവം തെട്ട് അന്നാ ഹാസാരെ വരേയും, ഇറോം ശർമിളയിൽ നിന്നും മലാലയിലേക്കും സമര ഇരമ്പലകുൾ ഈ ഇന്റർനെറ്റിന്റെ അതിവിശാല മേച്ചിൽ പുറങ്ങളിൽ തകർത്താടിയപ്പോൾ എല്ലാ മുഖ്യധാര മാധ്യമങ്ങളും അതിനെ പ്രശംസിച്ചു,

നഴ്സിംഗ് സമരത്തെ അനുകൂലിച്ച് ഗ്രൂപ്പുകളും പേജുകളും തുടങ്ങി, എന്തിനു പറയുന്നു ജപ്പാനിലെ സുനാമിഫണ്ടിലേക്ക് പോലും സഹായാഭ്യര്‍ത്ഥനകൾ ഫേസ്ബുക്കിലൂടെ നടന്നു എന്ന് പറയുമ്പോൾ നമുക്ക് മനസ്സിലാക്കാം ഇന്ന് ഫേസ്ബുക്ക് എത്രത്തോളം ഈ ആധുനിക ജീവിതത്തെ സ്വാധീനംചെലുത്തി എന്നത്, സഹായാഭ്യര്‍ത്ഥനകളിലെ ചതിക്കുഴികളും നമ്മൾ വായിക്കാൻ ഇടയായത് ഇതിന്റെ മറ്റൊരു വശംകൂടിയാണ്,


ഇപ്പോൾ നമ്മുടെ വീട്ടിലെ കുട്ടികൾ നടക്കാൻ തുടങ്ങിയാൽ ചോദിക്കുന്നത് മിഠായിയല്ലായിരിക്കും! , പകരം അവർ ചോദിക്കുന്നത് അച്ഛാ ഒരു ഫേസ്ബുക്ക് അക്കൗണ്ട് വേണം എന്ന് തോന്നിക്കും വിധം വീട്ടിലെ എല്ലാ കുട്ടികളും ഇപ്പൊ ഫേസ്ബുക്കിലുണ്ട്!, വളരെ നല്ല കാര്യം , പുതിയ തലമുറ വളരുന്നത് തന്നെ നെറ്റിലാണ്, അവർ അങ്ങനെ വളർന്നാലെ നാളെയുടെ പുതുതലമുറക്കൊപ്പം പിടിച്ചു നിൽക്കാൻ കഴിയുകയുള്ളൂ, തന്റെ മക്കൾ ഫേസ്ബുക്കിലെ വലിയ ആളാണെന്ന് പറയുന്നതൊക്കെ കൊള്ളാം, പക്ഷെ ഒന്ന് സൂക്ഷിച്ചില്ലേൽ അക്കൗണ്ടും ലൈക്കും പിന്നെ കുട്ടിയും മാഞ്ഞുപോകും , തിരിച്ചെടുക്കാൻ കഴിയാത്ത പെട്ടകിണറ്റിൽ വീണപോലെയാകും, ഈ അടുത്ത് അത്തരം വാർത്തകൾ നിങ്ങൾ വായിക്കുന്നവരായിക്കും,

യൂറോപ്പ്യനായ മാർക്ക് സുക്കർബർഗ് എന്ന ചെറുപ്പക്കാരന്നാണ് ഫേസ്ബുക്ക് ഉണ്ടാക്കിയത്, മാർക്കിന്റെ കൾച്ചറും നമ്മളെ കൾച്ചറും രാവും പകലും തമ്മിലുള്ള വ്യത്യാസമുണ്ട്, അവർക്ക് എല്ലാം ഓപൺ ആണ്, നാം അങ്ങനെയല്ല , ആയതിനാൽ മാർക് ഉണ്ടാക്കിയ ഈ ഫേസ്ബുക്കിൽ കാണാൻകൊള്ളാത്തതും നമ്മുടെസംസ്കാരത്തിനു സ്വികരിക്കാൻ പറ്റാത്തതുമായ ചിത്രങ്ങളും വീഡിയോകളും ധാരാളം ഉണ്ടാകും, അത് കണ്ട് നമ്മുടെ കുട്ടികൾ വഴിപിഴച്ച് പോക്കാനുള്ള സാധ്യത വളരെ കൂടുതലുമാണ്, പക്ഷെ കുട്ടികളോട് നിങ്ങൾ ഫേസ്ബുക്ക് ഉപയോഗിക്കരുത് എന്ന് പറയുന്നത് ഇന്നത്തെ ഏറ്റവും വലിയ വിഡ്ഢിത്തമായിരിക്കും, അവനെ ഇത് ഉപയോഗിക്കാൻ പഠിപ്പിക്കുകയാണ് വേണ്ടത്, ഒരു ചെറിയ നോട്ടം അവന്റെ വാളിലും കമന്റിലും ആക്ടിവിറ്റികളിലും വേണം അവൻ എവിടെയൊക്കെയാണ് ലൈക്കുന്നത് കമന്റുന്നത് എന്ന നാം അറിഞ്ഞിരിക്കണം, ഇതെല്ലാം അറിഞ്ഞും അറിയിച്ചു കൊടുത്തുകൊണ്ട് മാത്രം നിങ്ങൾ അഹങ്കരിക്കുക എന്റെ കുട്ടി ഫേസ്ബുക്കിലും ഉണ്ട് എന്ന്,അല്ലെങ്കിൽ മുകളിൽ പറഞ്ഞപോലെ ഊരാക്കുടുക്കിൽ വീണു പോകും, അപ്പോഴും നിങ്ങൾ അറിയാതെ ലൈക്കുകളും കമന്റുകളും അവിടെ അക്കങ്ങാളായി മാറിമറിയുന്നുമുണ്ടാകും,


കഴിഞ്ഞ വർഷങ്ങളിൽ സ്ത്രീ ജനങ്ങളുടെ വൻ ഇരച്ചു കയറ്റമാണ് ഫേസ്ബുക്ക് കണ്ടത്, ഗൾഫ് കൊച്ചമ്മമാരാണ് അതിൽ കൂടുതലും, ഒരു ഫേസ്ബുക്ക് പ്രൊഫൈൽഉണ്ടായാൽ എല്ലാമായി എന്ന മട്ടിൽ ഫേസ്ബുക്ക് വാളിലൂടെയൊരു പോക്കുണ്ട്, ഹൊ! ലൈക്കാത്ത പോസ്റ്റുകളും കമാന്റാത്ത വാളും കാണില്ല, എനിട്ട് ഒരു വാൾ പോസ്റ്റും ചാർത്തും " ഇന്ന് ഒരു മൂഡില്ല" 
നമ്മുടെ ഫേസ്ബുക്ക് പഞ്ചാരകളും പുന്നാര കുട്ടന്മാരും അത് കണ്ടാൽ അവർ അതിനെ വിടാതെ കൂടും, അവർ അതിന്ന് കമന്റ് കൊണ്ട് പൊതിയും ലൈക്കിനാൽ സ്നേഹിച്ച് ഷെയറ് ചെയ്ത് കൊല്ലും, പിന്നെ പേഴ്സണൽ മെസ്സേജിലേക്ക് ഒരു സന്ദേശം സുരാജ് സ്റ്റൈലിൽ:- , "തങ്കച്ചി സുഖങ്ങളൊക്കെതന്നെ" പിന്നെ ചാറ്റായി, അഹങ്കാരം മൂത്ത് സ്നേഹം കവിഞ്ഞ വാളിൽ കാവ്യം വിതറും, കഥ പരക്കും, സിദ്ധാന്തങ്ങൾ ഒഴുകും അവസാനം ജീവിതം തകർത്ത് പ്രഭാത പത്രത്തിൽ പേരില്ലാത്ത ഒരു ന്യൂസും കണാം, ഇത്തരം വാർത്തകൾ ഇപ്പോ അടുത്താണ് അധികരിച്ചതെങ്കി 
ഇന്നിപ്പോൾ ദിവസവും ഒരു സൈബർ ക്രൈം വാർത്തയെങ്കിലും റിപ്പോർട്ട് ചെയ്യുന്നുണ്ടെന്നാണ് പറയപ്പെടുന്നത്.  ആര് നെറ്റിൽ കേറിയാലും എത്ര ഫെസ്ബുക്ക് ഫ്രണ്ട്സ് ഉണ്ടെങ്കിലും സൂക്ഷിച്ച് കൈകാര്യം ചൈതില്ലെങ്കിൽ നെറ്റിന്റെ ചതിക്കുഴികൾ നെറ്റുപോലെ അനന്തമായി നിങ്ങളെ കാത്തിരിക്കുന്നുണ്ടെന്ന സത്യം മറക്കാതിരുന്നാൽ നന്ന്,


കുട്ടികൾ കമ്പ്യൂട്ടറിന്ന് മുമ്പിൽ ഇരിക്കുന്നത് എന്തിനാണെന്ന് ഒരോ മാതാപിതാക്കളും ശ്രദ്ധിക്കേണ്ടതാണ്, അവർ കാണുന്ന സിനിമകൾ വ്യാജനാണോ എന്നും വരെ പരിശോധിക്കേണ്ടിയിരിക്കുന്നു, നാളെ നാം അറിയാതെ നമ്മുടെ കുട്ടികളുടെപേരിൽ സൈബർ പോലിസ് കേസ് ചാർജ് ചെയ്താൽ എന്തായിരിക്കും അവസ്ഥ, ആദ്യം മാതാപിതാക്കൾ ഇന്റർനെറ്റും അതിന്റെ അനുബന്ധ പ്രവർത്തനങ്ങളുടേയും പൊതുവായെങ്കിലും അറിഞ്ഞിരിക്കേണ്ടത് നിർബന്ധമാണ്, നിങ്ങൾക്ക് അറിയുന്നതിനേക്കാൾ പലതും നിങ്ങളുടെ കുട്ടികൾക്ക് ഇന്ന് വശമുണ്ട് എന്നത് നിങ്ങൾ മറക്കാതിരിക്കുക, ഫേസ്ക്കിൽ കുട്ടികളെ വലയിൽ വീഴ്താനായി ഇന്ന് പല വ്യാജന്മാരും ഉണ്ട്, അവർ മറ്റൊരു പേരിൽ ഐഡി ഉണ്ടാക്കി നിരന്തരം കെണികളൊരുക്കിക്കൊണ്ടിരിക്കുകയാണ്, നമ്മുടെ സ്ത്രീകളും അത് ശ്രദ്ധിക്കേണ്ടിയിരിക്കുന്നു,എല്ലാം അറിയും എന്ന് അഹങ്കരിക്കുന്നവർപോലും ഇന്ന് പല പ്രശ്നത്തിന്റെ പേരിൽ തന്റെ ഐഡി ഡിലീറ്റ് ചെയ്ത് പോയിട്ടുണ്ട് , പക്ഷെ അവരുടെ ഫോട്ടോകൾ വെച്ച് പലരും ഇന്നും ഈ ഫേസ്ബുക്കിൽ വിലസുന്നു, ആദ്യം നാം കരുതിയിരുന്നത് നമ്മുടെ കൗമരക്കാരായ കുമാര-കുമാരിമാർ മാത്രമാണ് ഈ ചതിക്കുഴിയിൽ വീഴുന്നത് എന്നാണ് എന്നാൽ ഇന്ന് എല്ലാ പ്രായത്തിലുള്ളവരും ഇത്തരം ചതിക്കുഴിയിൽ വീണ് ജീവിതം സ്വയം തുലക്കുന അവസ്ഥയാണ് നാം ഈയിടെ ധാരാളം കണ്ടുകൊണ്ടിരിക്കുന്നത്.

സോഷ്യൽ മീഡിയകളിൽ നിങ്ങൾ നിങ്ങളുടെ ചിത്രങ്ങൾ അപ് ലോഡ് ചെയ്യുന്നത് വളരെ സൂക്ഷിച്ച് വേണം പ്രത്യേഗിച്ച് സ്ത്രീകളുടെ , നിങ്ങളുടെ ചിത്രങ്ങൾ ഫേസ്ബുക്കിൽ  ചേർത്താൽ വളരെ അനായാസം ഏത് പ്രൊഫൈലിൽ നിന്നും പേസ്റ്റ് ചെയ്യാൻ കഴിയും അത് പിന്നീട് നിങ്ങൾക്ക് തന്നെ വിനയാക്കുകയും ചെയ്യാം,

ഇന്നിപ്പോൾ ഇന്റെർനെറ്റ് പ്രേമങ്ങൾ കൂടി വരുകയാണ്, നമ്മുടെ കൗമരക്കാർ അവരുടെ പ്രായത്തിന്റെ ചാപല്യത്താൽ അതിൽ കുടുങ്ങുകയും ചെയ്യുന്നു, പിന്നീട്അവർ അതിൽ നിന്നും ഊരി പോരാൻ കഴിയാതെ ജീവിതം തുലക്കുന്നു, അത്തരം ചില രസകരമായ വാർത്തകൾ നമ്മളെ ചിരിപ്പിക്കുനതോടൊപ്പം വലിയ പാഠങ്ങൾ നൽകുന്നതാണ് എന്ന് ഇടക്കാലത്ത് നാം മനസിലാക്കി, ചിലപ്പോൾ വലിയ സെക്സ് റാക്കറ്റിന്റെ കൈകളിൽ വരെ എത്തിയ സൈബർ പ്രേമ കഥകൾ നാം വായിക്കുകയുണ്ടായി,


കാലം മാറിക്കൊണ്ടിരിക്കുകയാണ്, ഇനി നാളെ ഇതിലും വലിയ സോഷ്യൽ മീഡിയകൾ ഉദയം കൊള്ളും, നാം നാമായി ഇരിക്കാൻ ശ്രമിക്കുക, നമ്മുടെ കുട്ടികളെ പുതിയ രീതികൾ പറഞ്ഞ് മനസിലാക്കുക, അവരെ ഇത്തരം ചതിക്കുഴികളിൽ നിന്ന് രക്ഷിക്കുക എന്നാൽ മാത്രമേ നാളെയുടെ നല്ല സോഷ്യൽ മീഡിയ ഉപഭോക്താക്കളാക്കാൻ  നമുക്കും നമ്മുടെ വരും തലമുറക്കും കഴിയൂ.

2-12-2012 Malayalam news :-