വെളിച്ചപ്പാട് എന്ന കാമം

കാലം അണ്ഡങ്ങളും ബീജങ്ങളും തുപ്പുന്നു.
കാമം കോമരം തുള്ളുന്ന കോമാളിപോല്‍
ലോകം 'ഇരുട്ട്' തപ്പി, ജനം കണ്ണ് പൊത്തി
നാലാള്‍ നാല് തരം, ലോകര്‍ നീരാളിപോല്‍;

പാവാടയണിഞ്ഞവള്‍ക്ക് പേടി വേണം
പടച്ചട്ടയണിഞ്ഞു നടന്നീടുക
പടവാള്‍ കയ്യില്‍ കരുതീടുക
വഴികളില്‍ കുരിടികള്‍, വിണ്ണില്‍ വെളിച്ചമില്ല

കാല് കനലില്‍ ചവിട്ടി നടക്കുന്ന പെണ്മ-
യവളുടെ മറുകില്‍ നോക്കും കൂര്‍ത്തകണ്ണുകള്‍,
കിന്നാരം ചൊല്ലുന്ന കണ്ണുകളിലും
കിരാത വിത്തിന്‍ മുളകള്‍ കാണാം.

സൂക്ഷമ സുഷിരങ്ങളാല്‍ പോസ്റ്റ്മോര്‍ട്ടം,
തീക്ഷണ സീമന്തമീ വേനലില്‍
വറ്റി വരണ്ട മനസ്സില്‍ നിന്ന്
ഒരിറ്റ് ദയ പ്രതീക്ഷിക്കരുത്.

തളര്‍ന്നോടുന്നവളുടെ വായില്‍
ശീര്‍ഷം കേറ്റി തുപ്പിക്കുന്ന മാനവനെ കണ്ട
വാനരന്‍ പൊലും പല്ലിളിക്കും.
"ഉളുപ്പില്ലാത്തവനെന്ത് ഇളിപ്പ്".?

ഇത് കൊടും വറുതിയുടെ കാലം,
വിത്തിനു പോലും വെള്ളമില്ലാത്താ'ധുനികത
വിയര്‍ക്കുന്നതും കാത്തിരിക്കാം
വെറും പ്രതീക്ഷക്കൊത്ത് ചലിക്കാം,