പ്രത്യാശ

യുവത, നിങ്ങളുതിര്‍ക്കുക നന്മകള്‍ 

യുക്തിക്ക്-യൗവ്വന, ഭാവ സൗന്ദര്യമേകുക,

തഴുകുക നന്മയ്ക്ക് നിറച്ചാര്‍ത്തണിയിക്കുക
തിന്മയ്ക്ക് വെണ്മകൊണ്ടമ്പ് കുലയ്ക്കുക,

വ്യര്‍ത്ഥമീ ഭരണതന്ത്രത്തില്‍ തുപ്പുക
മാഹാത്മവാക്കിന് മഹത്വം തെളിയിക്കുക,

ഇന്നിന്റെ ജനത്തിനു ന്യായങ്ങളേകുന്ന

നിയമസംഹിതയ്ക്കുത്തരം തിരയുക.

വെറുതെയീചിലന്തിവലകളിലുറങ്ങാതെ

ഉത്തിഷ്ഠരാം ചലനചിന്തയിലൂന്നുക

ആധിപത്യമോ ജനാധിപത്യമോയെന്ന്

ഉദികമനസില്‍ വിചിന്തനം ചെയ്യുക;

സ്വതന്ത്രരായെന്ന് വിളംബരം നടത്തുവാന്‍
അധികാരമുണ്ടോ, എന്നുംതിരയുക ..

അമിതമതമതിലുകള്‍ തീര്‍ക്കുന്ന രൂക്ഷ-

രക്ത ദാഹികളെയാട്ടിയോടിക്കുക

നിറമുള്ള സ്നേഹമനസ്സുകള്‍ തീര്‍ക്കുന്ന
സഹനസമരത്തിന്‍ നായകര്‍ ‍നിങ്ങള്‍,
നിങ്ങളുണരുക ഉയര്‍ന്നെഴുന്നേല്‍ക്കുക

ഉറക്കെപ്പറയുലുകളുയര്‍ന്നലയടിക്കട്ടെ..!