ഓണക്കാലം

പൂത്താലമേന്തിയ കുപ്പിവള കൈകളും
പൂക്കുട ചൂടിയ വെണ്‍ താരകങ്ങളും
പാതിര നേരത്തില്‍ അലിഞ്ഞ് പോയി
ദൂരേക്ക് ദൂരേക്ക് പോയി മറഞ്ഞു ,

നിദ്രയില്‍ സ്വപ്നങ്ങള്‍ തീര്‍ക്കുമീ രാവുകള്‍,
നിന്നിലെ മുഖമെന്നില്‍ ഓണ നിലവായി
നീ തന്ന മന്ദാര, തെച്ചി പൂവുകളാല്‍
അത്തപൂവിട്ടു നാം പൂപ്പാട്ട് പാടി,

മഞ്ഞിന്‍ തുള്ളികള്‍ നന്നപിച്ചൊലിപ്പിച്ച
വഴിവക്കിനരികിലെ മുല്ലാപ്പൂവേ...
നീയെന്‍ മനസ്സില്‍ പൂവിടുമോര്‍മകള്‍
ഇന്നെന്റെ ഊഷര ഹൃത്തില്‍ പൂത്തു

തിരുവോണ നാളില്‍
നിന്‍ തെക്കേ കോലായില്‍,
ഒന്നായ് വിരിച്ചൊരു വാഴില തുമ്പില്‍
ഒന്നിച്ചുണ്ടില്ലെ അന്നൊരോണ സദ്യ,

എവിടെ നിന്നോ വന്ന വഞ്ചിയില്‍ കേറി,
നിളയുടെ ഓളങ്ങള്‍ മുറിച്ച് മുറിച്ച്
ദൂരേക്ക് ദൂരേക്ക് പോയി മറയാം
ഓണ നിലാവിനെ തേടിപോകാം...


ചിന്നം വിളിചെത്തി ചിങ്ങമാസത്തില്‍
ചെന്താമര വിരിയുന്നീ ഓണക്കാലം,
എങ്ങോ പോയ് മറഞ്ഞെന്‍ ഓര്‍മകളില്‍
നിന്നേങ്ങോട്ടെ എങ്ങൊട്ടൊ പോയ്‌ മറഞ്ഞു .