ലിമ്പുകള്‍

 അരാജകത്വത്തിന്‍റെ വിളക്കുകളേന്തി

നൈല്‍ നദിക്ക്  മീതേ തീപുകയുയര്‍ത്തി
രോദനത്തിന്‍ ഗര്‍ജ്ജ നാളമുറകളുയര്‍ത്തി
നൈല്‍കരയെ യുദ്ധ മുഖരിതമാക്കി നിങ്ങള്‍

സിസേറിയന്‍ യന്ത്രതോക്കുകളേന്തി

പെറ്റു വീണ കൈകുഞ്ഞിനെ പീരങ്കിയില്‍ കോര്‍ത്ത്
നീട്ടി വലിച്ച് ട്രിപൊളിയിലേക്ക് പായിക്കുന്ന
നിങ്ങളീ കാണിക്കുന്നത് ആവേശത്തിന്‍റെ അധിനിവേശമോ?

പാശ്ചാത്യന്‍റെ കൊഴുത്ത ക്രൂഡോയിലിന്‍ ദാഹം
പാവങ്ങള്‍ ലിമ്പുകള്‍ക്കറിയില്ലാ ഈ ദാഹം
ജീവന്‍റെ തുടിപ്പിന് ക്രൂഡോയിലിന്‍ വില
ജീവതമില്ലാത്ത പാവം ലിമ്പുകള്‍

കത്തും വെയിലും പൊള്ളും മണലിലും

കയ്യില്‍ ചുടുതോക്കേന്തി പായുന്നവന്‍റെ

കാലില്‍ നിന്നും രക്തമൊലിച്ച്

കണം കാലിന്‍റെ അടിയിലേക്കിറങ്ങുന്നു

അവിടെ
വിയര്‍പ്പിന്‍റെ  കൂടെ

രക്ത ഗന്ധവും
വിശപ്പിന്‍റെ കൂടെ
വിധിയുടെ നൊമ്പരവും ബാക്കി.